Til þess að hljóðfæraleikarar geti spilað í takti - verða nóturnar að segja þeim hversu lengi þeir eiga að spila þær! Lengdargildi nótna er sýnt með mismunandi útliti þeirra.

Trompetleikari sem spilar heilnótu (sjá mynd) verður að halda nótunni í fjögur taktslög - svo getur hann hvílt sig í fjögur taktslög því á myndinni kemur strax heilnótuþögn á eftir.

Hálfnóta er helmingi styttri en heilnóta og hálfnótuþögn er þar af leiðandi líka helmingi styttri en heilnótuþögn. Nótan varir í tvö slög og þögnin í tvö.

Fjórðapartsnótur og fjórðapartsþagnir vara í eitt slag. Fiðluleikari sem væri að spila litla fjórðapartsbútinn hér fyrir neðan, myndi því spila tvö slög og bíða svo í tvö.

Áttundapartsnótur og áttundapartsþagnir eru tvær á hvert taktslag. Ef maður ætlar að telja með þegar maður klappar áttundapartsnótur er því oftast talið ,,einn-og-tveir-og-þrír-og-fjór-og-einn-og...o.s.frv.". Talningin ,,einn" kemur þá á slaginu, en talningin ,,og" kemur á milli slaganna. Ef við ímyndum okkur að grænir stafir tákni það að trommuleikarinn slái í trommuna sína, en bláir stafir þögn - myndi trommuleikarinn spila litla áttundapartsbútinn svona: ,,einn - og - tveir - og - þrír - og - fjór - og"

Efst á síðu

Taktvísar

Nótur og þagnir

Taktvísar segja okkur hversu lengi hver taktur varir. Eins og sjá má eru alltaf tvær tölur í takvísinum. Sú efri segir okkur hversu mörg taktslög eru í hverjum takti - sú neðri gefur til kynna hverslags nótur vísað er til.

Dæmi: Í takvísinum fjórir/fjórðu eru fjögur slög (efri talan) af fjórðapartsnótum (neðri talan). Sem sagt, það komast fjórar fjórðapartsnótur fyrir í einum slíkum takti.